تويتر
رفع المواضيع
السلام عليكم بتمنى يكون الكل بألف صحة وخير
حابة احكي بخصوص المواضيع بالمنتدى وطريقة رفعهم
في عند كتير أعضاء مواضيع مفيدة بس مر عليها سنين ما انعمل الها رفع وما شفناها وفي اعضاء جدد بسجله وكمان ما بشوفوها , ونحنا لنضل متزكرين انه هدفنا نفيد برصيد علمي بالمعلومات الزراعية و رصيد نفسي بالصور الزراعية
لهيك بامكان اي عضو يرفع موضوعه بعدة طرق منها مثلاً
موضوع نزلته انا عن متسلقات الورد , وردت عليه الخالة سلاف والخالة ميادة والخالة سمسم
شخصيا برد ع الجميع لكن باوقات مختلفة لكل شوي اقدر اعمل رفع للموضوع ليشاهدوه أكبر عدد من الاعضاء
وطريقة تانية بفضلها كتير
انه مثلا الخالة ميادة نزلت موضوع تقليم الورد الجوري , والموضوع ناجح وحلو بعد عدة شهور او سنة الموضوع انتسى , فبنعمله رفع باضافة صورة مثلا او معلومة جديدة من عنا وهيك بنكون عدنا رفع الموضوع ليشاهدوه كمان اعضاء جدد
مبدأ التجديد مفيد كتير ورفع الموضوع لو بصورة
لهيك اي موضوع أو تجربة عندكم وشايفينه مفيد انهمل على مر هالسنين اعملوله رفع
بتمنى كنت واضحة بطريقة السرد ووصلت فكرتي للجميع
صباحكم وكل أوقاتكم خير وسعادة يارب
تعليق