تجربتي الأولي مع الطماطم

[Hadeer ibrahim]

السلام عليكم ورحمة الله وبركاته

اول مرة اكتب موضوع فالمنتدي
بس الصراحة اللي شجعني اهتمام الاعضاء بالزراعة
وخبراتهم الواسعة في مجال الزراعة
فده شجعني إني استفيد من حضراتكم
بالنسبة ليا الزرع هواية بحبها و لون الزرع الاخضر بيريح نفسيا

انا بدأت زراعة الطماطم والبطاطس والليمون
والحمدلله كبروا وشكلهم حلو

بس الطماطم الوحيدة اللي حصل فيها مشكلة
الورق بتاعها بدا يظهر عليه خط ابيض زى الانفاق كدة
مش عارفة هو ايه المرض ده؟ !

بس كنت قريت في موضوع عالمنتدي انه ذبابة بيضاء
وبيتعالج برش محلول التوم مع المية ( 5 جرام لكل لتر مياة )
بس مش متأكدة اذا كانت الذبابة او لأ؟

ممكن حد يساعدني ويقولي أعمل ايه :)

وجزاكم الله خيرا

[محمد سكر]

وعليكم السلام ورحمة الله وبركاته

الاصابة الموجودة بالاوراق هى لصانعات الانفاق وليس الذبابة البيضاء وهي من اخطر الاصابات التى تصيب الطماطم والباذنجان والفلفل يمكن عمل عدة إجراءات لمكافحة هذه الاصابة أولاً لو كانت الاوراق المصابة عدد بسيط يتم إزالتها فوراً وحرق هذه الاوراق بعيدا عن النباتات هناك إجراء وقائي وهو رش كبريت زراعي بالتعفير على الاوراق مرة واحدة كل اسبوع فى الشتاء وكل اسبوعين فى الصيف فالكبريت منفر قوي لكل الحشرات وتبعدها عن النباتات أما المكافحة الفعلية فيمكن بإستخدام مبيد فيرتمك من مصدر جيد أو ممكن مبيد بستبان أرخص من فيرتمك ويؤذى نفس المهمة إن شاء الله ويفضل الرش ليلاً لان الحشرة نشاطها ليلي

[Hadeer ibrahim]

رد: تجربتي الأولي مع الطماطم

وعليكم السلام ورحمة الله وبركاته

الاصابة الموجودة بالاوراق هى لصانعات الانفاق وليس الذبابة البيضاء وهي من اخطر الاصابات التى تصيب الطماطم والباذنجان والفلفل يمكن عمل عدة إجراءات لمكافحة هذه الاصابة أولاً لو كانت الاوراق المصابة عدد بسيط يتم إزالتها فوراً وحرق هذه الاوراق بعيدا عن النباتات هناك إجراء وقائي وهو رش كبريت زراعي بالتعفير على الاوراق مرة واحدة كل اسبوع فى الشتاء وكل اسبوعين فى الصيف فالكبريت منفر قوي لكل الحشرات وتبعدها عن النباتات أما المكافحة الفعلية فيمكن بإستخدام مبيد فيرتمك من مصدر جيد أو ممكن مبيد بستبان أرخص من فيرتمك ويؤذى نفس المهمة إن شاء الله ويفضل الرش ليلاً لان الحشرة نشاطها ليلي

شكراااااا علي مساعدتك
وان شاء الله هتبع التعليمات اللي حضرتك قلت عليها

[سُلاف]

كل الشكر لأخينا العزيز محمد سكر

وان شاء الله بالتوفيق أختي الكريمة