شــآت المنتدى

[أرض الشام]

شــآت المنتدى



مساكم سعيد
بهالموضوع رح يكون حديث حر وتواصل من الاعضاء , وفتح حوار عام سواء بعيد أو قريب من الزراعة



مساكم سعيد يآآآ رب
وان شاء الغايب والحاضر بينآ يكون بالف صحة وخير

[سُلاف]

كنت سأكون أسعد بهذا الركن في المنتدى لو كان جميع أفراد أسرة المزرعة موجودين

لكن ... أسأل الله أن يكونوا جميعا بخير

يلا ... البركة فينا أنا وانتي ومن ينضم الينا

خبريني كيف الجو اليوم عندكم بفلسطين

يا ترى ابتدت تهب نسائم الخريف الباردة ولا لسه شوي ؟

[أرض الشام]

والله يا خالة الجو عنا من يومين كان حلو وخريفي بس حاليا ارتفاع كبير ,عندكم بالمغرب كيف؟
هههه انا متقصدة بهالموضوع بدي أعطي للمنتدى الفة اكتر و يوم عن يوم برجعه الغايبين ان الله راد
خالة هلا السؤال القوي من وجي الصبح شو طابخة اليوم ؟

[سُلاف]

صباح النور عزيزتي وجمعة مباركة عليكم جميعا أحبابي بالمزرعة


أجواء الخريف دايما بتكون متقلبة بين الحرارة والبرودة ، لكن عندنا بدأت درجات الحرارة تستقر وتنخفض تدريجيا

كمان في تساقطات مطرية بمختلف أنحاء البلاد وان شالله يا رب يكون هذا الموسم ممطر باذن الله في جميع ربوع الوطن العربي

اما الغذا فخليني ساكتة أحسن لاني اسابق الزمن بهذا المطبخ محتارة بين الأذواق المختلفة ارضي مين ولا مين

اضطريت اني اوزع الدجاجة المسكينة بين ثلاث قدور واطبخها بثلاث طرق ونكهات مختلفة بسبب انه الاولاد كل واحد بيحب وصفة شكل

وابوهم كمان نفس الشي ... اما انا فتابعة ليهم وبس وما باسال عن حالي اذا هالوصفة بتعجبني او ما بتعجبني

لحظة اطل على الدجاجة المشتتة وراجعة

[أرض الشام]

هههههههههههه

يا صباح المطبخ المغربي يا خالة اي شو هاد نيالهم هاد ع اخر دلال

والعوض بالجاجة ريته صحة وهنا يارب

ماشاء الله صارت بترش مطر عندكم يآآآ رب الدور والخير يلحقنا عن قريب

طيب خالة طلي ع الجاج لو انحرقت انا ما الي دخل

[سُلاف]

ههههههههههههه لا الحمد لله ما انحرقت والا كانت كملت معها عالآخر

يلا اتركـكــم الآن لاني لازم حضر حالي حتى اروح المدرسة أغــذي صيصاني الصغار وارجع ان شاء الله


ادعـولــــي

[أرض الشام]

هههههه الله يسعدك خالة

ورينا يوفقك ويخليكي كتكيتك الصغار يارب

[أرض الشام]

مسا الخير للجميع

كيفكم ؟

[سُلاف]

مسا النور يا فراشة المنتدى

الظاهر ما في غيرنا انا وانتي بالمنتدى برفقة الأسماء الرقمية

مضطرين نتحملهم شو نساوي !

وينك يا سمسم حابين نثرثر معك شوي

حضرت طبق مكسرات يسلينا واحنا بنثرثر اتفضلي معنا

[أرض الشام]

ههههههههه
مسا الفل خالة دائما الاعضاء الرقمية عاملين ونس النا

على سيرة المكسرات بتعرفي الكاجو؟ انا هاد بحبو اكتر شي

الخالة سمسم شكلها انشغلت مع الخالة ندوة


وبشربو قهوة بلانا