منصة زاجل الإجتماعية

تقليص

انا ارنوب لو عاوزين تعرفونى ادخلوا و اتعرفوا عليا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
  • محمد احمد احمدمحمد
    زراعي جديد
    • Jan 2011
    • 16

    انا ارنوب لو عاوزين تعرفونى ادخلوا و اتعرفوا عليا

    ارنوبووووووو

    م / مصطفى حبيبة المؤلف
    دعوة للتعارف من ارنبو...

    انا ارنبو الطيب الجميل طبعا كلكم عارفنى انا ارنبو صاحب الجسم الطويل الرشيق( زى الغزالة) ،الفرو الناعم الجميل، اسنانى بيضا جدا و بتلمع. انا صاحب الاذنين الكبيرتين و الطويلة ، العينين الجميلتين. انا ارنبو الذى يعطيكم اللحم الابيض الخفيف و المفيييييييد و السهل فى الهضم. انا ارنبو الذى كام يعيش فى السهول الخضراء و ممكن اعيش فى الصحراء الجرداء و بلد فى الجحور الهادئة و الاماكن المظلمة . انا ارنبو الذى الان يعيش فى البطاريات الخفيفة ويلد فى العلب الصغيرة. انا احب السكون و الهدوء، انا لا احب الاضواء العالية ولا الضوضاء، انا احب البرد ولا احب الحر، انا احب النظافة يعنى نقاء الهواء، و صفاء الماء، ووفرة الغذاء الجيد النظيف، انا مخلوق حسسساس، حساس فى كل شىء، و بخاف جداااااا من كل شىء، و اخاف جدا من العين الحسودة، و من النفس الحقودة، انا من حساسيتى اعرف الاشخاص الذين يدخلوا على فى مزرعتى و اتاثر جداااا اذا كان فيهم حسود او حقود ، انا فعلا حساس و حواسى كلها يقظة جدا، حاسة الشم عندى عالية جدااااا اعلى بكتيرررررر من الكلب البوليسى، بعرف صحابى من ريحة جسمهم ، و اذا كانو شريرين و حساد اشعر فى جسمى نااااار ، و احاول الفرار، و من كتر خوفى على ولادى ممكن اموتهم خوفا عليهم من الحسووووود و من الدمار ، فارجوك ... لا تزعجنى بالزوار. انا عارف طبعا حتقولوا عليا جبان و خواف ، نعم انا خواف و جبان و رعديد كمان. انا بخاف من اقل حركة و من اخفض صوت. اذا سمعت الكلب الذى عندك فى البيت ينبح بصوت عالى يمكن لقلبى ان يصبح فى سكوون دائم . انا حذر و قلوق جدا و ده طبع ولم اشترية، ولذا لا استطيع التخلص منة ، و لكن انا هلوع و قلوق ، علشان انا لا املك اى وسيلة دفاعية و طبعا ولا هجومية ... و كمان محبوس فى بطارية. انا عارف ان الجرى نص الجدعنة، و عارف كمان ان القفز هو النص الاخر ، و علشان كدة انا جدع قوى ، جدع 100%. انا يساعدانى فى القفز طول وقوة ارجلى الخلفية، المهم لن اطيل عليكم، يكفى هذا عن شخصيتى. اعرفك على عائلتى. انا يا سيدى لى خمس زوجات و ممكن اتجوز عشرة... هاهاهاا.. انا جامد اوى... انا قوى التناسل جدا، سريع التكاثر. بحب الجنس جدااااااا ، انا وزوجاتى قسمنا العمل ، انا مسئول الجنس و هية مسئولة عن الحمل و الولادة و الرضاعة و الرعاية... ارجوك طبعا بتقول انا مفترى و ظالم .. انت طبعا عارف ان كل مخلوق ميسر لما خلق لة، لقد خلقن زوجاتى من اجل هذا. همة بيحبوا الامومة جداااااا، بيحبوا ولادهم جدااااا، وللاسف مش بيحبوا ازواجهم ( الذكور). ... دى الحقيقة ، الواحدة فيهم مستعدة تتقبلنى لمدة ثوانى فقط .. و لكن بعد ما انال مرادى منها انقلب على ظهرى او جنبى و اصرخخخخخخ صرخة الانتصاب معلنا لها و لشعب الارانيب نجاح العملية و نجاح التلقيح و معنى كدة انها بعد شهر تقريبا حيبقى عندها 10 ارنبو صغيرين ، و دة كل شهر، يعنى لو عند سعادتك ام واحدة بس و حصلت منها على 10 ارنبو صغيرين كل شهر ، و عطتها فى السنة راحة شهرين ، فممكن تاخد منهافى السنة الواحدة 100 ارنب ، يعنى لو عندك 100 ام ممكن فى السنة تاخد 10 الاف ارنب، يا سيدى على الاقل نقول حتاخد نص العدد دة ؟؟ يعنى ممكن انا بشخصى الضعيف اخليك مليونيييير و احل مشكلة اللحوم فى مصر و الوطن العربى كلة . سلالاتى كتيييييييرة اوى اوى ، و خلى بالك فى ناس بتقول ان فية سلالة جديده اسمها v-line خلى بالك دى سلالة النيوزيلاندى بتاعتى العادية بس جاية من اسبانيا من خط رقم فى فسموة فى لين . السلالة دى حساسة جدااااا للعيش فى مصر لانها مش اخدة على جو مصر و الوطن العربى فارجوك اوعى تجيبها لانها حساسة اوى و مش بتستحمل. و كمان بيقولو عليها انها مش بتصاب بامراض الجرب ولا التسمم الدموى و مش بتتحصن و دة طبعا غلط كبييييير يعنى ازاى بعقلك كدة؟؟؟ يعنى واحد بنى ادم جاى من فرنسا لما يجى مصر مش بيصاب بامراض؟؟؟ على العموم عايز تجيبة انت حر ... انا حزرتك. نرجع لسلالاتى ( المعروفة ) منها الركس، النيوزيلاندى ، الببيون ، الشنشيلا، الكاليفورنيا، و غيرها كتييييييييييير اوى. و علشان تنجح فى مشروعك و تستفيد و تكسب كتييير ... فكلمة السر هى النظافة. انا فعلا نظيف جدا و احب النظافة جدا. انا كل وقتى انظف جسمى و اقدامى. ارجوك .. ارجوك.. مادمت قد حبستنى ان تبعد عنى الروائح الكريهة، خاصة رائحة الامونيا المنبعثة من تخمر الزبل. ارجوك .. ادينى علف مناسب و معمول بطريقة علمية و ان يكون طازج بة كمية من الدريس المجفف بطريقة صناعية . و تعتنى بنظافة الماء الذى اشربة. سيدى و مستثمرى ... سوف تربح الكثيررر من ورائى و سوف اعطيك الكثير من الانتاج، كلما اهتممت سيادتك بان توفر لى انقى الهواء.. وانظف ماء.. و احسن غذاء وكلما وفرت لى مكانا هادئا نظيفا ، و فرشا جافا مريحا ، بطارية علمية مش اى بطارية تنفع. ولا اوصيك بشىء.. غير شىء احد بس ان تعطينى تحصيناتى من ( تسمم دموى بكتيرى و فيروسى و تحصين الجرب ) ، و بعد ذلك لا تخف على فالله خير حافظا ، لا تنسى ان النظافة من الايمان و ربنا امرك بيها ،، عشان تحافظ على اولادى و بناتى. و اخيرا صديقى و مستثمرى تتقبل خالص حبى و تقديرى و تحيات صديقى الوفى م / مصطفى حبيبة...
    التعديل الأخير تم بواسطة محمد احمد احمدمحمد; الساعة 04-09-2011, 06:46 PM.
  • محمد ابو نبأ
    !! الـمـراقـب العــام !!
    !! شـاعـر الـمزرعـة !!
    • Jul 2009
    • 808

    #2
    رد: انا ارنوب لو عاوزين تعرفونى ادخلوا و اتعرفوا عليا

    بصراحة شديدة عجبتني طريقة الطرح وعرض الموضوع بهذه الطريقة
    اللطيفة جدا معلومات علمية معروضة بطريقة مميزة مع بعض الفكاهة
    احييك اخي تحياتي لك اخي الفاضل ولكاتب الموضوع

    تعليق

    • محمد احمد احمدمحمد
      زراعي جديد
      • Jan 2011
      • 16

      #3
      رد: انا ارنوب لو عاوزين تعرفونى ادخلوا و اتعرفوا عليا

      المشاركة الأصلية بواسطة محمدابونبأ مشاهدة المشاركة
      بصراحة شديدة عجبتني طريقة الطرح وعرض الموضوع بهذه الطريقة

      اللطيفة جدا معلومات علمية معروضة بطريقة مميزة مع بعض الفكاهة
      احييك اخي تحياتي لك اخي الفاضل ولكاتب الموضوع
      شكرااااااااااااااااااااااااااااااااااااا

      تعليق

      • محمد احمد احمدمحمد
        زراعي جديد
        • Jan 2011
        • 16

        #4
        رد: انا ارنوب لو عاوزين تعرفونى ادخلوا و اتعرفوا عليا

        الموضوع عجبنى فعلا هو من تاليف
        المهندس \ مصطفى حبيبة

        تعليق

        • الطيماوي
          زراعي نشيط
          • Nov 2010
          • 55

          #5
          رد: انا ارنوب لو عاوزين تعرفونى ادخلوا و اتعرفوا عليا

          أما ارنوبي انا فله قصة اخرى مختلفة
          في ساعة من الساعات يخرج الوردة من جيبه ويأخذ يقطعها ورقة ورقة (أموت، لا ماأموتشي، أموت، لأ ما أموتشي) وللأسف دائما الوردة فردي، والنتيجة أموت.

          تعليق

          • محمد احمد احمدمحمد
            زراعي جديد
            • Jan 2011
            • 16

            #6
            رد: انا ارنوب لو عاوزين تعرفونى ادخلوا و اتعرفوا عليا

            ربنا معاك
            وشكرا

            تعليق

            جاري المعالجة..
            X
            😀
            😂
            🥰
            😘
            🤢
            😎
            😞
            😡
            👍
            👎