منصة زاجل الإجتماعية

تقليص

أحمد فؤاد نجم دا شعب فقرى

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
  • Hmmam
    مشرف عالم الإبداع والبرامج العامة
    • Aug 2008
    • 392

    أحمد فؤاد نجم دا شعب فقرى


    تحية للجميع

    أحمد نجم شاعر مصرى غنى عن التعريف

    نتفق أو نختلف معه بس كل واحد حر

    بس نسمع وجهة نظره فى ال...

    "دا شعب فقرى"

    نظرا لأن النعمة فاقت حدها

    ولأننا مش قدها

    ولأن فعلا انجازاتك ..


    فوق طاقتنا نعدها

    ولأننا غرقنا في جمايل ..


    مستحيل حنردها

    نستحلفك ....... نسترحمك

    نستعطفك ....... نستكرمك

    ترحمنا من طلعة جنابك حبتين

    عايزين نجرب خلقة تانية

    ولو يومين

    اسمع بقى

    إحنا زهقنا من النعيم

    ونفسنا في يومين شقا

    عايزين نجرب الاضطهاد

    ونعوم ونغرق في الفساد

    بيني وبينك حضرتك

    دا شعب فقرى مايستحقش جنتك

    أنا عارْفُهْ شعب ماينفعوش

    إلا شارون وبلير وبوش

    عايز يجرب الامتهان

    ويعيش عميل للأمريكان

    بيمد "غازه" لإسرائيل

    ويومين كمان ويمد نيل

    أهو يعنى نشرب ميه واحدة

    ندوب في بعض

    ماء وماء وماء

    ونفض سيرة الانتماء

    وبلاها نعرة وطنطنة

    تبقى البلاد "مستوطنة"

    (متسلطنة بالسرطنة)

    إيه اللي خدناه م الكرامة والإباء

    حبة خطب وكلام...كلام

    إحنا راهننا على النظام

    ورضينا بخيار السلام

    بخيار حنسد عين الشمس بيه

    علشان مايطلعش النهار

    ويطلع لمين؟

    حبة معارضة مغرضين؟

    وحسب بيان السلطة ..


    شلة مأجورين؟

    ياعم فضك سيرة

    وارضى بقسمتك

    دا شعب مش فاهم أكيد

    يالا اطرده من رحمتك

    وإن كنت غاوي الحكم ..


    خليك مطرحك

    حاغطس واقب وأعود ..


    بشعب يريحك

    راضى وعمره مايجرحك

    أخْرَس ومايسمعش

    وأعميلك عينيه

    مش كل قرش يبص فيه

    مايقولش لأه، وفين، وليه

    يضرب ينفض في السليم

    وعلى الصراط المستقيم

    كل اللي يعرف ينطقه

    عاش الزعيم

    يحيا الزعيم

    ****************
    تحياتى لكم و لأحمد نجم
  • شلبي سعيد
    !! عضوية الإمتياز !!
    • Dec 2008
    • 1051

    #2
    رد: أحمد فؤاد نجم دا شعب فقرى

    اخي همام

    علي فكرة الشاعر احمد فؤاد نجم

    رجل بسيط وكلامو بسيط
    لاكنة معبر عن الواااااقع


    ربنا يسترها من عندو
    هيك الدنيا

    يوم.......................... ويوم

    تحياتي لك

    تعليق

    • صورة الزائر الرمزية

      #3
      رد: أحمد فؤاد نجم دا شعب فقرى

      شاعر معروف كتير كلامه حلو وواقعي وانا بقرا اشعاره دايما
      تحياتي اليك استاز همام وبارك الله فيك

      تعليق

      • الصباح النجار
        !! الألــفــ 4 ــــيــة !!
        • Jun 2009
        • 4630

        #4
        رد: أحمد فؤاد نجم دا شعب فقرى

        احمد فؤاد نجم

        يعرفه القاصي والداني

        شكرا
        إن لم تروني يوما هنا فالتعلموااني قد رحلت فأتمني أن تكون القلوب صافية والنفوس عني راضية
        بالاخوة قابلتكم وها انا ذا بها أودعكم ....سأحترف السباحة بأمواج

        الجليد أملي فقط ان يتجمد إحساسي وسأحترف ايضا الرقص بوسط ألسنة اللهيب
        أملي فقط أن تحترق ذكرياتي فآسف لكل القلوب التي يوما ما ادميتها

        تعليق

        جاري المعالجة..
        X
        😀
        😂
        🥰
        😘
        🤢
        😎
        😞
        😡
        👍
        👎