المساعد الشخصي الرقمي

مشاهدة النسخة كاملة : من نظرة



ليث كاستروو
04-25-2009, 02:01 AM
في مصر وعند الاهرامات كنت اجلس وحيدا بعد ان ذهب اصدقائي لالتقاط الصور التذكارية
فكانت اول مرة في حياتنا نرى احد عجائب الدنيا السبعة كانت الشمس في بدايت الغروب
وبدئ الملل يتسلل الي قليلا قليلا وكنت انظر الى السياح والعشاق وهم يلتقطون الصور
ويركبون الجمال ويضحكون ويمرحون شعرت بالغيرة فلماذا لم اذهب مع اصدقائي
قلت بنفسي لو ذهبت لمرحت معهم ولكني لا احب التقاط الصور لم اعلم اني ساصاب بالملل
نظرت الى المدى البعيد واطلت النظر وبعد لحظات سمعت صوتا قريبا مني كان صوت فتيات
يضحكن ويتكلمن مع بعضهم البعض لا اعرف ما جعلني انظر اليهم بكثب لارى بينهم ملاكا
بشعر اسود وطويل تتلاعب به نسمات الهواء بعيون ملونة ببشرة بيضاء ثم نظرت الي
وكانها تعرفني من قبل واقتربت مني ورمت علي السلام اصبت بصدمة وسرحت بذهني لدقائق
ثم افاقتني بكلامها حين قالت اسفة لم اقصد ازعاجك ولكن هل تستطيع ان تلتقط لي صورة لي
ولاصدقائي فقلت لها بكل سرور التقط لها الصورة وعدت الى مكاني لكني لم اكف عن النظر اليها
وعندما كنت اسمع همساتهم وهم يتكلمون كانت لهجتهم توحي الي بانهم من فلسطين
ذهبت اليها وقلت لها اتسمحي لي بسؤال قالت لي تفضل قلت لها لهجتك قريبة جدا الى مسمعي من
اي بلد قد اتيتي فكان الجواب اجمل ما سمعتها في ذلك اليوم عندما قالت من مدينة القدس
وقد جئنا لهنا برحلة جامعية فقلت لها شكرا وانصرفت يا لغبائي كيف انصرفت
وبعد وقت من جلوسي عاد اصدقائي وذهبنا الى الفندق وهناك في الليل رايتها من شرفة الغرفة
تمشي وحدها فتشجعت واستعجلت بالنزول فوجدتها اقتربتها منها قليلا وسالتها التعرف بعد ان
اعلمتها اني من فلسطين وقد لجئ والدي وجدي الى سوريا بسنة ال48 تبادلنا الاحاديث والتعارف
لا اعرف ما اصابني هناك شيء شدني لها لم اكن اعرف ما يخفي لي القدر معها وبقينا شهر كامل
في مصر وكاننا نعرف بعضنا من قرن لم اكن اجلس مع اصدقائي الى وقت الذهاب الى النوم وهي كذلك




يتبع

pal-4ever
04-26-2009, 09:36 PM
قصة جميلة ورائعة

شكرا جزيلا لك

Ahmad A. Najar
04-27-2009, 01:28 AM
وماذا بعدها يارفيق ...
o

حتى كلمة يتبع لها عنصر التشويق

فلا تتآخر علينا ....

سلامة القلوب الحيارى ! :wink:

ليث كاستروو
04-27-2009, 10:17 PM
له يارفيق بعرف خيالك اوسع يعني لازم اتكون فبرطتلها كمالة من عندك
المهم
واجى اليوم بعد اليوم ليكملو الاسبوع ويصفى على رجعتي لسوريا اسبوعين
وكل ما يمضى يوم وانا معها اشعر بفرح بس لما ينتهي اليوم ازعل اكتير
لأنو الاجازة راح منها يوم واقتربت سفرتي والعودة الى مسقط راسي
وبيوم من الايام صحاني واحد من اصدقائي الي مشاركني المنامة بالغرفة
حكالي بدي احكي معك موضوع وانا وافقت وطلعت معو طبعا بعد طوشة ولوشة
لأنو صحاني من نومي لما اطلعنا على البرندة الي هي شرفة الغرفة
بلش يحكيلي عن البنت وانو علاقتنا مش متوازنة وانا من بلد وهي من بلد
وما ابتعرف ايمتا ابتعلق الحرب بين بلدك وبلدها المهم ما عرفت شو جاوب صاحبي
يمكن ما كنت بحبها ويمكن كنت بحبها وبالاخص انو اول حب يعني صعب اتحدد شعورك باسبوع
يمكن كان اعجاب ويمكن لأنو البنت من مدينة القدس وانا اول مرة بحكي مع حد من القدس
ما بعرف يمكن شميت فيها ريحة وطني الي ما شفتو بس ما اتوقع اني كنت اتوه عن مشاعري انا
كنت متاكد انو الي صابني انو حب من اول نظرة لأني اعجبت فيها من قبل ما اعرف هي من وين
تاني يوم اترجئت وحكيتلها كل اشي حكالي اياه صاحبي حكتلي نفس الشي صحباتي بالغرفة عم
يعلقوا كلام بس فوت على الغرفة بصيرو يجيبو سيرتك واتفقنى انو انحط حد لكلام صحابنا
وجمعناعم كلهم وحكينالهم انو نحنا مجرد اصدقاء لا اكتر ولا اقل ما بعرف ليش هيك حكيت
بس حسيت انو هي هيك بدها وضلينا على هاد الموال حتى قبل اخر يوم قررنا انو تصهر الشلة كلها
بس انا وياها هربنا ورحنا لحالنا وهنيك كانت احلى لحظة بحياتي وبنفس الوقت اسوأ لحظة
لما اعترفنا لبعض بحبنا بس كان اسوأ يوم لأنو اخر يوم وتفرقنا ومشي كل واحد لبلدو واكيد
انا ما رح احكي على الفراق الكل بيعرف شو الفراق وضلينا علي هي الحال لليوم اجت مرة على سوريا بنفس الشهر الي شفتها فيه ورجعت وسافرت والعلاقة مستمرة لليوم والحمد لله
ولا يوم اتخانقنا مع بعض واكبر سوء تفاهم حليناها بخمس دقايق وانشاء الله العلاقة تستمر هيك وعلى قبال حبيبي احمد
يتبع بس تجي البنت على سوريا وبحكيلكم شو بصير

ندوة
04-28-2009, 03:46 PM
نتمنى لك التوفيق والسعادة والله شي يفرح ونتمنى نسمع النهاية السعيدة ...ونقول لك الف مبروك...

IL 3,500
04-28-2009, 10:28 PM
جميلة هذة القصة

هل هي خيال أم واقع
إن كان واقع فتمنياتي بتحقيق ماتصبو اليه

ليث كاستروو
04-30-2009, 07:15 PM
شكرا الك ندوة وبتمنالك الاكتر سعادة
محمد نجار ازا بحكيلك بتقول عني كزاب
بس وربي هي واقع مع انو انا مش مصدق هيك واقع
بس بالنسبة الي هي الواقع الخيالي